LA HISTORIA DE UNA LATA, con Lorena Rivas



   O pasado venres día 1 de decembro, visitou a nosa biblioteca Lorena Rivas, nai de Vera e Carlota Lázara. Lorena non viña soa, pois traíaconsigo un fermoso conto titulado “Historia de una lata”, da autora Begoña Ibarrola.

  A través desta historia traballamos as emocións, a ecoloxía, a reciclaxe; e sobre todo, algo tan  importante nos nosos días como é... a ILUSIÓN (é o importante de non perdela xamais).
   A lata comeza contando a súa vida desde que nace ata que acaba sendo reciclada. A nosa protagonista, convertirase en diversos soportes e terá diferentes nomes (lata de tomate, pelota, peto, maceta…); ao tempo, que nos fai partícipes dos seus sentimentos, sentimentos que unhas veces fana sentir moi importante e outras, triste e soa. 
  A pesares de ditas sensacións que vai experimentando, a nosa protagonista é moi optimista, e agarda con alegría o seu final: ser un fermoso xoguete,  transformarse nun magnífico tren!
    En todo momento os alumnos estiveron moi motivados e atentos ante as explicacións de Lorena, así como nos xogos que ela propuxo, destacando "O xogo das emocións".
   Ao remate, agasallou aos alumnos cuns fermosos marcapáxinas, e unhas fichas nas que  poder colorear á nosa protagonista.
   Antes de que Lorena abandonase a nosa biblioteca, adquirimos un firme compromiso con ela: 
"Reciclaremos todas as  latas que temos na casa , e faremos, ao longo do presente curso, unha pequena exposición, dos diferentes usos que lle imos dar a cada unha delas."

   Grazas Lorena, por unha tarde de conto tan especial. Por un conto tan ben escollido. Din que cada conto agocha unha pequena ensinanza, un aprendizaxe; pero "Historia dunha lata" foi moito máis. Cremos firmemente que o mundo futuro dos nosos alumnos será un anaquiño mellor, tras viaxar contigo polo mundo de valores tan importantes como a reciclaxe, a valentía, o tesón e sobre todo ... a ILUSIÓN.
  Convidada quedas a regresar ao remate do curso a visitar as nosas humildes creacións con latas, como a protagonista do noso venres de contos de sofá.

COMEZAN OS CONTOS DE SOFÁ

   Un curso máis dan comezo OS CONTOS DE SOFÁ, unha actividade de animación á lectura a través dos contos que chegan aos alumnos de 1º e 2º de Primaria desde os beizos dos seus familiares. Na primeira xornada celebrada no mes de outubro, recibimos a visita de Ludy Lamela, nai da nosa compañeira de 1º de Primaria, Martina Pumeda, que veu acompañada dun peixe a mar de fermoso...EL PEZ ARCO IRIS.

   O pez arco iris é un peixe de fermosas cores, un pouco egoísta, incapaz de compartir; ata que dáse conta de que vive so e sen amigos. Neste interesante relato aprendemos a importancia de compartir e o especial que debe ser para nós. Pasamos unha gran tarde de contos á vez que comprendemos que hai que pensar nos demais, antes que nun mesmo. 
   Ludy e o pez arco iris, non viñeron ao fogar de Leo e Biblín sos; pois Ludy agasallounos cuns fermosos espetos de gominolas que abofé fixeron aínda máis doce a nosa visita ao  xa famoso sofá azul.
   
 Coma sempre antes de voltar as clases, era a quenda de que Ludy asinara no Libro de visitas e sacar a foto de familia, para rematar cun pequeno agasallo en forma de rosa, que con tanto agarimo entregou a  nosa compañeira Martina.
Grazas Ludy. 
Fermoso conto e mellor ensinanza. 
Nestes tempos de tanto EU, 
poñamos máis NÓS. 
Din que todos os contos son bos, 
pero abofé que os mellores, 
son os que saen dos beizos dunha nai. 
Volta cando desexes.
 No noso sofá azul,
desde hoxe, 
perdurará a túa lembranza e a do teu compañeiro...
O PEZ ARCO IRIS

CASTAÑAS E CONTOS, na segunda xornada de Apadriñamento Lector

   Velaquí chegan as fotos da primeira xornada de Apadriñamento Lector, realizada durante a festa do Magosto do colexio.




    Ademais dos xogos tradicionais e da degustación de castañas asadas, non podían faltar os contos. Contos que os alumnos de 6º de Primaria prepararon para os seus afillados de 1º, baixo a atenta mirada dos castiñeiros de Siador, que abofé tamén gozaron coas fermosas historias que saían das súas raíces.
  
    
   A seguir polo apaixonante camiño das lecturas, rapaces!

APADRIÑAMENTO LECTOR 2017-2018

   Un curso máis, poñemos en marcha unha das actividades máis fermosas celebradas durante o curso, non só polo que leva consigo algo tan importante como a animación á lectura; se non tamén polos seus protagonistas, os alumnos de 1º e 6º de Primaria. 
 
   Velaquí o Apadriñamento Lector, e como cada ano, antes de que cheguen os contos, vén a sinatura dos contratos, baixo a atenta mirada das nosas mascotas, Leo e Biblín, na Biblioteca do noso colexio.



    Desexámosvos a todos unha boa viaxe, subidos nunha fermosa nave chamada LECTURA, que vos guiará  polo apaixonante mundo dos CONTOS!