CONTA CON NÓS... Mª PAZ PÉREZ

   Aínda que comezara o campionato de xadrez, non pensedes que nos esquecemos que dentro de dous días é venres, e xa sabedes que venres quere dicir...

CONTOS DE SOFÁ

   Pasado mañá, día 15 de marzo, contaremos na nosa biblioteca cunha nova contacontos moi especial: Mª Paz Pérez, nai dos nosos compañeiros Efrén e Carla e responsable da Unidade contra a Violencia de Xénero na Subdelegación do Goberno de Pontevedra. Mª Paz agasallará aos nosos oídos cun conto moi fermoso chamado... 

_Como se chamaba?

 _Non me lembro. 

_Como era? 

_Penso que era dun rato. 

_Ou trataba dun gato?

_Creo que se chamaba Caramuxo?

_Non Caramuxo foi o pasado.

_Xa sei! A QUE SABE A LÚA!

_Non ese foi o que nos contou Carmen. 

   Pois non sei, vaia lío, haberá que agardar a que chegue o venres e prestar moita atención a nosa convidada, que coñecéndoa, seguro virá acompañada dalgunha sorpresa.