Sentimos moito a tardanza á hora de contarvos o que sucedeu na nosa biblioteca no último Conto de Sofá, pero é que O Aturuxo e o Festival das Letras Galegas, tivéronnos un pouquiño "despistados". Agardamos que poidades perdoarnos.
A tarde do venres 10 de maio, gozamos dun conto "fantástico", cheo de imaxinación. Grazas a Ana Belén (nai de Lucía Fernández), Pedro e a súa familia, voltamos lembrar os bos ratos pasados co noso "amigo imaxinario".
Desde o comezo, Pedro foinos describindo ao seu novo amigo, as súas características físicas, as súas habilidades... Cada un de nós, sentímonos un membro máis da súa familia e ao igual que eles, non creíamos que existise alguén así.
Chegado o momento poidemos coñecer ao amigo de Pedro. Foi fantástico!
Ana Belén quixo saber como sería o noso "boi volador". Un a un fomos facendo a descripción do noso amigo e tamén démonos conta de que el representaba unha parte de cada un de nós, das nosas afeccións. Así algúns imaxinárono músico, outros futbolista, cantante...
Agora se queredes coñecelo e saber como é, quedades convidados a vir ao noso corredor de Primaria a visitalo, pois alí se atopan os nosos debuxos sobre el. Queredes velo?
Grazas Ana Belén
por manternos unha hora en suspense
(tan só había que ver as nosas facianas).
Grazas pola dozura e agarimo
que mostraches ante o noso proxecto.
Grazas por demostrarnos que un conto ben contado,
non precisa de maquillaxes, nin fogos de artificio.
Un conto só necesita iso... estar ben contado.
Volta cando queiras.
No hay comentarios:
Publicar un comentario