APADRIÑAMENTO DE MEDO

 Chegou a hora da segunda xornada de Apadriñamento Lector, despois da boa acollida que tivo a primeira a carón dos carballos centenarios das Pedrosas.

 Pero esta segunda xornada tiña dous ingredientes sorpresa tanto para os afillados como para os padriños. Por unha banda, os contos, ao coincidir coa festividade do Samaín, tiñan que ser de medo. A sorpresa aínda sería maior ao decatárense os alumnos de primeiro de Primaria o lugar escollido para ser contados... A nosa pasaxe do terror!

 O segundo ingrediente sorpresa, nesta ocasión para os maiores de sexto de Primaria, era que non podían ir a biblioteca do centro a escollelos como sucedeu na primeira xornada. Nesta quenda eles serían os autores de ditos contos. Dito e feito! Aproveitando o Taller de Escritura puxémonos mans a obra e o resultado final foi máis que satisfactorio tras ver as facianas dos pequerrechos. 

Abofé que algún non durmiu ben esa noite...

 Noraboa rapaces, moi bo traballo!

 Estamos desexando coñecer que vos deparará a terceira xornada de Apadriñamento Lector.