No día do libro, "YO MATARÉ MONSTRUOS POR TI" con Sandra Chao

  O pasado luns 23 de abril, Día do Libro, sentou no noso sofá Sandra Chao, nai de Pablo e Sara Valiño, co conto “Yo mataré MONSTRUOS por ti” do gran Santi Balmes, vocalista do grupo barcelonés Love of Lesbian.

 Sandra comezou lembrando aos nenos,os motivos polos que celebramos o Día do Libro e a tradición de agasallar nesta data un libro e unha rosa.

 A protagonista humana do conto chámase Martina. Cando chega a noite ten moito medo pois escoita ao monstro… Martina pensa que debaixo da súa cama hai unha civilización de monstros, que viven  cabeza abaixo e todo teñ o reflexo monstruoso á inversa. O que non sabe Martina é que no outro mundo, o seu reflexo, Anitram, ten os mesmos medos.

 Os respectivos pais das nosas protagonistas, conseguen tranquilizalas explicándolles que a medida dos monstros dependerá  do medo que se lle teña. Se se sinten valentes,  veranse  enanos e covardes; pois o medo é elástico, coma un chicle, faise pequeno ata que desaparece.

 Ao longo de toda a historia os alumnos interactuaron con Sandra, participando activamente en cada unha das propostas que ela facía.

 A sesión rematou cun agasallo e un recordo. De agasallo un lapis personalizado e de lembranza o afortunados que somos, porque sempre teremos preto alguén que "mate monstros por nós”.

 Grazas Sandra por contar con nós nun día tan especial.

Grazas polos fermosos agasallos,

que oxalá escriban os contos futuros.

Grazas tamén por unha das frases máis fermosas de escoitar:

"YO MATARÉ MONSTRUOS POR TI"

Abofé que os monstros de cada un dos nosos alumnos 

desapareceron tras escoitar as túas palabras.

Din que a vida e quizais os contos,
 van acompañados dunha pequena banda sonora que os fai diferentes. 
Por uns días,Un día en el parque foi a nosa.