Chega ao noso sofá o último conto do curso, da man do
profe de música na ESO, Luismi Crespo.
A historia de hoxe é un conto musical, onde a
protagonista é unha bruxa tatexa, Ma – Maruja, que vive soa no bosque coa única
compaña dun gato. Adícase a facer apócemas máxicas para poder axudar á xente, e
un deses días que pasea polo bosque buscando ingredientes, atópase coa
exploradora Juana, que está ferida e
dubida en axudala. Pero Ma- Maruja é moi
boa e axúdalle a curarse cunha das súas apócemas. En agradecemento, Juana, tamén
decide axudala e xunto cos seus amigos prepáralle unha sorpresa: unha viaxe ao
mar!
Ao longo da narración, os alumnos participaron moi
activamente, seguindo as instrucións de Luismi : axudaron a facer unha nova brebaxe, cantando os retrousos, empregando a mímica noutros casos…
Os alumnos estaban encantados, e na sesión pasounos o tempo moi rápido.
O noso agradecemento ao profe e compañeiro Luismi , por unha nova lección
sobre a amizade, a humildade, a empatía,
a sinceridade e todos os valores que nos amosa esta fermosa historia.
Grazas por non rechazar a nosa proposición, sabendo que xuño non é un mes doado. Grazas sobre todo, pola túa implicación e profesionalidade. Unha sorte terte entre nós.
No hay comentarios:
Publicar un comentario