Venres, 23 de xaneiro. Xa estamos de volta no noso sofá, de volta na biblioteca.
Hoxe, Mª Carmen, nai do noso compañeiro de 2º de Primaria Antonio Soutiño, chegou preparada e ilusionada para compartir con nós A viaxe das Bolboretas.
Unha historia, como sempre, fermosa, fantástica e ao mesmo tempo cotiá: aparecen amigos, inimigos, conflictos... que só se poden superar coa solidaridade; e finalmente, o amor.
Encántannos as historias que rematan ben!
E que dicir de Carmen, deixounos abraiados! Sabe como falan os diferentes personaxes: o vermiño, o grilo, a xoaniña, a formiga... cos seus continuos cambios de voz, xa pensamos que ían entrar pola porta da biblioteca en calquer momento. Tívonos "encandilados" desde o primeiro momento!
Coma sempre, ao remate do conto chegaron as sorpresas. Carmen viña preparadísima cunha gran bolsa chea de materiais diferentes: cartolinas, plastilina, limpapipas... Pero mellor que volo contemos nós, é que vexades o resultado, mirade que cousas tan fermosas fixemos!
por unha tarde tan,tan divertida.
Por poñer sol neste tempo de neve,
polo conto e sobre todo...
por como o CONTAS.
A nosa biblioteca, o teu fogar.
No hay comentarios:
Publicar un comentario