CONTO DE SOFÁ DE MARY

  Chegou o día que máis dun estaba agardando. A inauguración da segunda tempada dos Contos de sofá, e quen mellor para inaugurala que a nosa querida "Profe Mary". 

  Con ela compartimos un bo rato de  risos e sabedoría, posto que antes de comezar co conto, Mary explicounos, dedal e agulla en man, que era un sastre. De esta forma, tómamoslle a medida ao noso compañeiro Miro e quen sabe se algún día recibirá o seu traxe.

 

   Unha vez que tiñamos claro en que consistía dita profesión, comezou o conto. Xigantes, unicornios, Reis, Princesas... e silencio, moito silencio. Todos concentrados, iamos escoitando das verbas de  Mary,como o seu moderno sastrecillo ía superando as probas que se lle presentaban para... 

  Non desvelaremos máis, posto que prometímoslle a nosa contacontos que o iamos contar na casa, e non vaia ser que alguén se despistase e non o fixese aínda.

  Foi unha tarde  moi divertida. Ao remate obsequiounos cunha ficha para colorear e nós entregámoslle unha fermosa rosa, en sinal do noso agradecemento. Sinatura no noso libro da fama, foto de grupo,e o peor de todo, a despedida. Xa estamos desexando que volte a ser venres, e descubrir así, ao noso seguinte contacontos.

Grazas Mary.

Por poñerlle paixón coma sempre.

Por inaugurar a segunda tempada.

Por vir "armada"  ata os dentes. 

Por axudar a que amen os contos.  

Por  achegarnos ao sastrecillo valiente.
E por ser...mestra de mestres.