Este mes de abril sentou no noso sofá Mari Carmen, nai de
Ainhoa, compañeira de 2º de Primaria. Como sempre, foi unha sesión moi agardada polos alumnos. Nesta
ocasión poderíamola titular:”Tarde de fábula”.
Foi a guinda a unha serie de
actividades programadas no colexio para unha xornada tan especial para nós, como o Día do Libro.
A historia desta tarde comeza cando Tristán chega xunto
ao seu avó rindo, porque acaba de ver como ao seu amigo Damián, sucédenlle unha
serie de “desgrazas” (cae polas escaleiras despois de meter un pé nun caldeiro
de auga).O avó explícalle ao neno que iso non está ben e decide contarlle a
fábula de “Arturo el inseguro”.
Arturo é un saltón que estaba ferido nunha das súas
patiñas e custáballe moito moverse polo campo. Uns escaravellos rinse del e
da súa mala sorte, pero de súpeto aparece a súa amiga a libélula e failles ver
que iso non está ben. Eles mesmos puidérono comprobar cando caen da folla onde
están, e Arturo interésase por eles. Ao final da historia, deciden axudarse uns
aos outros.
Os alumnos escoitaron con moita atención a narración ,
así coma as explicacións de Maricarmen, e puideron darse conta da ensinanza
moral da historia: ”Fai cos demais como queiras que fagan contigo. Recibiremos
moito a cambio.”
Queremos agradecer a MariCarmen a súa presenza no noso
sofá e compartir connosco, cousas moi interesantes do seu país de orixe
(Venezuela). Ademais agasallounos cuns doces e unas lambetadas, que estaban
boísimas!
Moitas grazas Maricarmen
por achegarnos a través das fábulas ao respecto aos demais,
á tolerancia,
á amizade...
Grazas tamén por achegarnos a figura dun país
tan presente como Venezuela.
E como non,
grazas por endulzarnos unha gran tarde de conto.
No hay comentarios:
Publicar un comentario