Chegou o mes de outubro e con el o Samaín. Tempo de cabazas, de doces
de outono, de contos de medo, de meigas e como non, de contos de sofá.
Este mes, recibimos unha visita un tanto especial, pois no noso sofá
azul, desta vez sentou unha bruxa que quixo contar un dos contos
clásicos dos famosos irmáns Grimm, Hansel e Gretel.
Esta meiga estivo acompañada pola súa muller e as súas fillas, Sara e
Raquel. Entendemos que a estas alturas xa vos destes conta, de que a
bruxa non era tal, se non que se trataba de Rai Portas, o noso
contacontos do mes de outubro.
Con Rai e os irmáns Grimm, aprendemos valores tan positivos como o
compañeirismo, o esforzo e o amor. Valores sobre os que refexionamos ao
remate do conto, dialogando con Rai sobre a figura dos dous
protagonistas e como superan as adversidades.
Tras a pertinente foto de rigor, o agasallo pola súa participación e a
sinatura no noso libro de visitas; foi a hora de recibir o agasallo que
Rai e a súa familia nos tiñan preparados, uns fermosos e útiles estoxos
de cores co logo da súa tenda de deportes "RAI SPORT". Abofé que non
tardaremos moito en darlles uso.
Grazas Rai por participar neste labor de animación á lectura, tan importante sempre e máis nestes últimos tempos.
Xa
o feito de participar significa moito para os nosos alumnos; pero vir
caracterizado, superou todas as nosas espectativas para unha tarde de
conto.
Sen
dúbida, tardaremos en esquecer o día que unha meiga, contou na nosa
biblioteca, baixo a mirada sorprendida de Leo e Biblín, o conto de
Hansel e Gretel.
Como adoita dicir ultimamente un famoso alcalde da comarca, e sen que se ofendan en Silleda...
"Se é de Lalín...
É BO."
No hay comentarios:
Publicar un comentario