Como axudo a Antón?, con Beatriz Mariño.

  O 25 de xaneiro, sentou no noso sofá Beatriz Mariño, nai de Daniel e Ángela Picáns de 1º de Primaria, co conto “Como axudo a Antón”.

   A historia trata os distintos tipos de acoso que sofren algún dos protagonistas. Martiño é un can pequeno que comeza unha nova andaina, é o seu primeiro día na escola. Polo camiño acompáñao un can grande, Antón, e ao longo do percorrido, Martiño vaise decatando das condutas que presentan outros “compañeiros” con Antón, e que ninguén o axuda.

   Ao rematar a historia, comezamos unha pequena charla entre todos, no que se trataba de ver como queremos actuar ante determinadas situación e en diferentes contextos da nosa vida:

•  Ameazar coma o raposo.
• Esixir e obrigar a facer algo sen ter en conta o que a outra persoa quere, coma o xabaril.
• Roubar  e chantaxear, como fai o esquío.
• Falar mal de alguén ás súas costas, como fan as gatas.
• Agredir físicamente, poñer alcumes ofensivos, como fai o lobo e a súa cuadrilla…

   Cada un dos nenos expresou as súas sensacións ante as dificultades con que se atoparon os nosos protagonistas. Todos tiñamos algo moi claro:

Temos que por en coñecemento  das persoas competentes (mestres, pais, familia) as situación desagradables que presenciamos nos diferentes ámbitos da nosa vida.

   Para rematar a sesión, Beatriz agasallounos cunhas fermosas mochilas, e alí mesmo decidimos o que queremos levar nelas: compañeirismo, ledicia, amizade, respecto… e todo, para compartir con todos os compañeiros.

  Agradecemos moito a túa visita, Beatriz. Lembra que sempre poderás voltar á nosa biblioteca a compartir tantas valiosas ensinanzas que nos deixas. 

   Hai contos e contos. Contos que marcan e outros que pasan de vagar. Sen dúbida, Como axudo a Antón? é un conto que ficará para sempre nos nosos alumnos e en nós, as mestras. Falan do poder da lectura. Ningunha dúbida. Resaltaría  o poder e as ensinanzas que se agochan nun simple conto.

 Boas lecturas a todos!